ডিজিটেল ডেস্কঃ ২০২১ চনৰ টি-২০ বিশ্বকাপ ক্ৰিকেটত ভাৰত-পাকিস্তানৰ খেলক লৈ সৃষ্টি হোৱা বিতৰ্ক যেন অন্তই নপৰিব। এইবাৰ এআইএমআইএমৰ মুৰব্বী আছাদুদ্দিন ওৱেছিয়ে খেলখনক লৈ কেন্দ্ৰীয় চৰকাৰক সমালোচনাৰ লক্ষ্য কৰি লয়।
উল্লেখ্য যে, কাশ্মীৰত এটাৰ পিছত এটা সন্ত্ৰাসবাদী আক্ৰমণৰ দৰে ঘটনা সংঘটিত হৈছে। ইফালে, টি-২০ বিশ্বকাপত ভাৰত-পাকিস্তান মুখামুখি হোৱাৰ লগে লগে খেলখনক লৈ প্ৰতিবাদৰ ধুমুহা আহিছে। ওৱেছিয়েও মাত মাতিছে। তেওঁ ভাৰতক পাকিস্তানৰ সৈতে ক্ৰিকেট খেল খেলিবলৈ অনুমতি দিয়াৰ বাবে কেন্দ্ৰক সমালোচনা কৰে।
এআইএমআইএমৰ মুৰব্বী আছাদুদ্দিন ওৱেচিয়ে ২৪ অক্টোবৰত বিশ্বকাপত পাকিস্তানৰ সৈতে ভাৰতৰ খেলখনৰ পূৰ্বে মোডীক সমালোচনা কৰিকয়, “পাকিস্তানে কাশ্মীৰত নিৰীহ লোক আৰু সৈনিকক হত্যা কৰি আছে আৰু আমি তেওঁলোকৰ সৈতে ক্ৰিকেট মেচ খেলি আছো।”
এআইএমআইএমৰ মুৰব্বী আছাদুদ্দিন ওৱেচিয়ে কয়, “পাকিস্তানে কাশ্মীৰত ভাৰতীয় লোকসকলৰ জীৱনৰ সৈতে টি-২০ খেলি আছে। ‘যিসকলে নিয়মীয়াকৈ আক্ৰমণ কৰি আহিছে তেওঁলোকৰ বিৰুদ্ধে আমি কেনেকৈ মেচ খেলিব পাৰোঁ?’ ওৱাইচিয়ে কয়, ‘যেতিয়া মনমোহন সিঙে পাকিস্তানৰ প্ৰধানমন্ত্ৰীৰ সৈতে বিৰিয়ানী ভাগ বতৰা কৰাৰ কথা কৈছিল, মোডীয়ে সীমান্তত শ্বহীদ হোৱাৰ বাবে ভাৰতীয় সৈনিকসকলক সমালোচনা কৰিছিল। ‘
তেওঁ চীন-ভাৰতৰ সীমা সংঘাত সম্পৰ্কতো মোডীক সমালোচনা কৰি কয়, “প্ৰধানমন্ত্ৰীয়ে চীনৰ নাম ল’বলৈ কিয় ভয় কৰে?” এআইএমআইএমৰ মুৰব্বী আছাদুদ্দিন ওৱাইচিয়েও দেশখনত মুছলমানসকলৰ অৱস্থাক লৈ উদ্বেগ প্ৰকাশ কৰে।
উল্লেখ্য যে, যোৱা কেইদিনমান ধৰি কাশ্মীৰত সাধাৰণ লোকক আক্ৰমণ কৰি আহিছে সন্ত্ৰাসবাদীয়ে। ওৱেছিয়ে এই ক্ষেত্ৰত কেন্দ্ৰীয় গৃহ মন্ত্ৰী অমিত শ্বাহ আৰু চোৰাংচোৱা ব্যুৰোৰ বিফলতাৰ বাবে কেন্দ্ৰক সমালোচনা কৰে।
