ডিজিটেল ডেস্কঃ বিশ্বৰ যিবোৰ দেশত ইছলামিক শাসনৰ অন্ত পৰিছে, তাৰ ভিতৰত ইছলাম ভাৰতৰ ভিতৰতে আটাইতকৈ সুৰক্ষিত। মুছলমান ৰীতি-নীতি পালন কৰিবলৈ ভাৰত হৈছে আটাইতকৈ নিৰাপদ স্থান। বৃহস্পতিবাৰে আৰ এছ এছৰ মুৰব্বী মোহন ভাগৱতে এনে দাবী উত্থাপন কৰে।
আৰ এছ এছৰ বিৰুদ্ধে অহৰহ বিভাজন বিয়পাই দিয়াৰ অভিযোগ। সংঘই হিন্দু ধৰ্মক আদৰ্শ হিচাপে ব্যৱহাৰ কৰি ইছলামৰ প্ৰতি ঘৃণা বিয়পাইছে বুলি বাৰে বাৰে অভিযোগ উত্থাপন হৈ আহিছে। কিন্তু সেই সংস্থাটোৰ মুৰব্বীয়ে কয়, “ভাৰতত কোনো বৈষম্য নাই। তাত থকা সকল বাহিৰৰ পৰা আহিছিল, তেওঁলোক গুচি গ’ল। এতিয়া যিসকল আছে তেওঁলোক সকলোৱেই আমাৰ। সেইবোৰ শুধৰাই দিব লাগিব।” ভাগৱতৰ মতে, “এতিয়াও কিছুমান মানুহ সেই বাহিৰৰ লোকৰ মতামতৰ দ্বাৰা প্ৰভাৱিত হৈ আছে। সেই মতবাদৰ পৰা তেওঁলোকক মুক্ত কৰাটো আমাৰ দায়িত্ব।”
ভাগৱতৰ দাবী যে এটা সময়ত ইছলাম সমগ্ৰ বিশ্বতে বিয়পি পৰিছিল। ইছলামিক আগ্ৰাসনৰ ফলস্বৰূপে স্পেইন-মংগোলিয়া আদি দেশলৈ এই ধৰ্ম বিয়পি পৰে। পিছলৈ সেই দেশসমূহৰ আদিবাসীসকলে সজাগ হৈ ইয়াৰ প্ৰতিহত কৰে। এতিয়া সেই দেশবোৰৰ পৰা ইছলাম কাৰ্যতঃ বিলুপ্ত হৈছে। বিদেশীয়ে সেই দেশবোৰ এৰি যোৱাৰ পিছত আৰু ইছলাম নিৰাপদ নহয়। ইছলাম কেৱল ভাৰততহে সুৰক্ষিত। মোহন ভাগৱতে কয়, “আজি দেশৰ অখণ্ডতাৰ বাবে সকলোৱে একত্ৰিত হোৱা উচিত। আজি আমি দেশৰ সীমান্তত শক্তি প্ৰদৰ্শন নকৰাকৈ নিজৰ মাজতে যুঁজি আছো। বন্ধ কৰাৰ প্ৰয়োজন আছে।”
দৰাচলতে আৰ এছ এছৰ মতে ভাৰতত বসবাস কৰা সকলো মানুহ অস্তিত্বগতভাৱে হিন্দু। পাছলৈ বিদেশী শাসক আহি বহু হিন্দুক ধৰ্মান্তৰিত কৰিলে। বৃহস্পতিবাৰেও এই কথা ক’ব বিচাৰিছিল সংঘৰ মুৰব্বীগৰাকীয়ে। বিদেশীৰ প্ৰভাৱত বিপথে পৰিচালিত হোৱাসকলে ঘৰৰ যত্ন লোৱাৰ দায়িত্ব ল’ব লাগে বুলিও তেওঁ বুজাই দিয়ে।
