সমষ্টি পুনৰ নিৰ্ধাৰণৰ বিৰোধিতাৰে আজি বৰাক উপত্যকাত ১২ ঘণ্টীয়া বন্ধ ঘোষণা কৰিছে বৰাক ডেমক্ৰেটিক ফ্ৰণ্ট চমুকৈ বি ডি এছ, কংগ্ৰেছসহ বৰাক উপত্যকাৰ বিভিন্ন দল সংগঠনে।
বৰাক উপত্যকাত সমষ্টি পুনৰ নিৰ্ধাৰণৰ বিৰোধিতাৰে ঘোষণা কৰা বন্ধৰ মিশ্ৰিত প্ৰভাৱ পৰিলক্ষিত হৈছে। ৰাজপথত দেখা গৈছে অ’টো ৰিক্সা, বেটাৰী চালিত বাহনকে ধৰি সৰু, বৰ ব্যক্তিগত বাহন।
অৱশ্যে ঠায়ে ঠায়ে বন্ধ পালন কৰাও দেখিবলৈ পোৱা গৈছে।
পুৱাৰে পৰা ব্যৱসায়ীক প্ৰতিষ্ঠানসমূহ বন্ধ আছে যদিও ঠায়ে ঠায়ে খোলা আছে বিভিন্ন দোকান-পোহাৰ। বহুতেই আধাকৈ খুলি ৰাখিছে দোকানৰ দুৱাৰ।
চহৰ অঞ্চলত আৰক্ষী আৰু চি আৰ পি এফৰ বৃহৎ বৃহৎ দলে পুৱাৰে পৰা তহল দিছে।
