নগাঁৱৰ পুৰনিগুদাম ভেৰভেৰিত অসমৰ ৰাজ্যপাল। মহাশিৱৰাত্ৰি উপলক্ষে পূজাত বহিল ৰাজ্যপাল। ৰাজ্যপাল জগদীশ মুখীয়ে পূজা আগবঢ়ালে মহা মৃত্যুঞ্জয় মন্দিৰত। পুৱা দহবজাত ৰাজ্যপাল জগদীশ মুখী মন্দিৰত উপস্থিত হয়।
মন্দিৰ চৌহদত প্ৰশাসনৰ গাৰ্ড অফ অনাৰ গ্ৰহন কৰে। মহামৃত্যুঞ্জয় মন্দিৰৰ বৈদিক চৰ্চা কেন্দ্ৰৰ শিক্ষাৰ্থীয়ে জনায় ৰাজ্যপালক আদৰণি। শিৱ পুজাত ৰাজ্যপালৰ লগতে উপস্থিত থাকে তেখেতৰ পত্নী। পূজাত সংগ দিয়ে বিধায়ক জিতু গোস্বামীয়ে।
শিৱ পূজা উপলক্ষে মন্দিৰ চৌহদ ফুলেৰে সজ্জিত কৰা হৈছে। ৰাজ্যপালৰ প্ৰস্থানৰ পিছতে সাধাৰন লোকৰ বাবে মন্দিৰটো মুকলি কৰি দিয়া হয়।
