মিজোৰামঃ অসম ৰাইফলছ আৰু আবকাৰী আৰু মাদক দ্ৰব্য বিভাগ, আইজলৰ যৌথ দলে সোমবাৰে মিজোৰামৰ আইজল জিলাত ১.১৮ কোটি টকাৰ বৃহৎ পৰিমাণৰ ড্ৰাগছ জব্দ কৰাৰ লগতে চাৰিজন লোকক আটক কৰে।
আইজলৰ ফকলেণ্ড এলেকাৰ ৱৰ্ল্ড বেংক ৰোডত ২৩ ছেক্টৰ আছাম ৰাইফলছৰ আইজল বেটেলিয়নে ১.১৮ কোটি টকাৰ ১৮টা চাবোনৰ কেচ (২৩৬ গ্ৰাম) হেৰ’ইন আৰু এখন বাহন উদ্ধাৰ কৰে।
বিবৃতি অনুসৰি, আইজলৰ অসম ৰাইফলছ আৰু আবকাৰী আৰু নিচাযুক্ত দ্ৰব্য বিভাগৰ এক সংযুক্ত দলে নিৰ্দিষ্ট তথ্যৰ ভিত্তিত এই অভিযান চলায়।
উদ্ধাৰ হোৱা হেৰ’ইনৰ আনুমানিক মূল্য ১.১৮ কোটি টকা আৰু জব্দ কৰা চালান, বাহন আৰু আটকাধীন ব্যক্তিসকলক পৰৱৰ্তী আইনী প্ৰক্ৰিয়াৰ বাবে আইজলৰ আবকাৰী আৰু মাদক দ্ৰব্য বিভাগক গতাই দিয়া হয়।
