আহিন মাহত অস্বাভাৱিক গৰমে দহিছে ৰাজ্যবাসীক, আজি পুৱা ৭.৩০ বজাৰ পৰা আৰম্ভ হৈছে বিদ্যালয়ৰ পাঠদান ।আজিৰ পুৱাৰ ৭.৩০ বজাৰ পৰা দুয়োখন জিলাৰ বিদ্যালয়সমূহত পাঠদান আৰম্ভ হৈছে । ৰাজ্যৰ অস্বাভাৱিক গৰমৰ প্ৰকোপৰ ওপৰত গুৰুত্ব প্ৰদান কৰি দিনৰ ১২.৩০ বজালৈকে বিদ্যালয়ৰ পাঠদান চলিব বুলি জাননীখনত উল্লেখ কৰিছে প্ৰশাসনে । ইয়াৰ সমান্তৰালভাৱে এই নিৰ্দেশনা সকলো চৰকাৰী আৰু বে-চৰকাৰী শিক্ষানুষ্ঠান সমূহৰ ক্ষেত্ৰত প্ৰযোজ্য হ’ব ।প্ৰচণ্ড গৰমৰ বাবে ৰাজ্যৰ কামৰূপ মহানগৰ আৰু কাছাৰ জিলাত বিদ্যালয়ৰ পাঠদানৰ সময় আজিৰে পৰা সলনি কৰা হৈছে । যোৱা শুকুৰবাৰে দুয়োখন জিলাৰ প্ৰশাসনে জাৰি নিৰ্দেশনাৰ অনুসৰি,আজিৰে পৰা দুয়োখন জিলাৰ সকলো বিদ্যালয়ত পুৱা ৭:৩০ বজাৰ পৰা পাঠদান আৰম্ভ হৈছে । পৰৱৰ্তী জাননী নিদিয়ালৈকে প্ৰশাসনে নিৰ্ধাৰণ কৰি দিয়া সময় মতেই বিদ্যালয়ৰ পাঠদান অব্যাহত থাকিব ।