DSP পদত নিযুক্ত হ’ল অসম কন্যা লাভলীনা বৰগোঁহাই। বুধবাৰে জনতা ভৱনত অনুষ্ঠিত এক অনুষ্ঠানত মুখ্যমন্ত্ৰী হিমন্ত বিশ্ব শর্মাই ক্ৰীড়াবিদ গৰাকীক নিযুক্তি পত্ৰ প্ৰদান কৰে। অনুষ্ঠানত অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তও উপস্থিত থাকে।
উল্লেখ্য যে, টকিঅ’ অলিম্পিকত ব্ৰঞ্জৰ পদক জয়ৰে অসম তথা ভাৰতবাসীক গৌৰৱাম্বিত কৰিছিল লাভলীনা বৰগোঁহাইয়ে। তেঁওৰ এই কৃতিত্বৰ সন্মান স্বৰূপে অসম চৰকাৰে তেওঁক ডিএছপি পদত নিযুক্ত কৰে। লাভলীনাৰ পূৰ্বে ক্ৰীড়াবিদ হিমা দাসকো অসম চৰকাৰে যাঁচিছিল এই সন্মান।
উল্লেখ্য যে, লাভলীনাৰ কৃতিত্বৰ বাবে ভাৰত চৰকাৰে তেওঁক মেজৰ ধ্যানচন্দ খেলৰত্ন বঁটা আৰু অৰ্জুন বঁটাৰেও সন্মানিত কৰিছে।
