অসমৰ হোটেল, ৰেষ্টুৰেণ্টত গো-মাংস বন্ধ কৰাৰ বাবে চৰকাৰে লোৱা পদক্ষেপৰ পিছতে ব্যৱস্থা গ্ৰহণ কৰিলে প্ৰশাসনে। গুৱাহাটীকে ধৰি ভিন্নপ্ৰান্তৰ কেইবাখনো গো-মাংস বিক্ৰী কৰা ৰেষ্টুৰেণ্টত ওলমিল তলা। গুৱাহাটীৰ জালুকবাৰীৰ মোগল দৰবাৰ, দৰং হোটেল বন্ধ কৰিলে আৰক্ষী আৰু প্ৰশাসনে।পৌৰ নিগমৰ অভিযানত হোটেল দুখনত নিষিদ্ধ খাদ্য প্ৰস্তুত কৰা তথ্য পোহৰলৈ আহে।উল্লেখ্য যে, গো মাংস বিতৰ্কৰ মাজতেই মুখ্যমন্ত্ৰী হিমন্ত বিশ্ব শৰ্মাই বুধবাৰে এক ডাঙৰ ঘোষণা কৰে। সংবাদমেল সম্বোধন কৰি মুখ্যমন্ত্ৰী শৰ্মাই কয়, আজিৰে পৰা অসমৰ হোটেল, ৰেষ্টুৰেন্টত নচলিব গো মাংস। ৰাজহুৱা স্থানতো নিষিদ্ধ কৰা হয় গো মাংস।
